វិធី​សាស្រ្ត ដើម្បី​អាច​បើក និង​កែ​ប្រែ File System នៅ​លើ iOS 8.3 បាន!

កាលពី iOS 8.3 ទើបតែចេញដំបូង មិត្តអ្នកអាន បានទទួលដឹង ពត៌មានរួច មកហើយថា ចំពោះជំនាន់ មួយនេះ គឺក្រុមហ៊ុន Apple បានបិទនូវសិទ្ធិ ក្នុងការចូលមើល ឬកែរប្រែ File ផ្សេងៗជាដើម ដើម្បីចៀសវាង នូវមេរោគ ឬជនខិលខូច (Hackers) ជ្រៀតចូល ក្នុងឧបករណ៍ (Device) របស់លោកអ្នក។
ប៉ុន្តែចាប់តាំងពី iOS 8.3 មួយនេះ បានទទួលការ jailbreak រួចមក លោកអ្នក ក៏អាចមានសិទ្ធិ គ្រប់គ្រាន់ ក្នុងការ ចូលមើល File System បានដូចមុន ផងដែរ ដោយគ្រាន់តែ តម្លើង Tweak មួយប៉ុណ្ណោះ។ យ៉ាងណាមិញ ចំពោះ tweak មួយនេះ គឺមិនមាន នៅក្នុង Source ធម្មតានោះទេ គឺទាល់តែ ប្រិយមិត្តធ្វើការ Add Source បន្ថែមទើបបាន ដែល Source នោះគឺជាកម្មសិទ្ធិ របស់ក្រុមហែកគុក TaiG ដែលមាន អាស័យដ្ឋានថា http://apt.taig.com ។ ដូច្នេះដើម្បី អាចតម្លើង tweak មួយនេះបាន សូមអាន និងអនុវត្ត តាមការណែនាំ ដូចខាងក្រោម !!
តម្រូវការ៖

• iDevice ដែលដំណើរការប្រព័ន្ធប្រតិបត្តិការ iOS 8.3
• ត្រូវតែធ្វើការ jailbreak អោយបានត្រឹមត្រូវ និងតម្លើងនូវ ជំនាន់ចុង ក្រោយរបស់ Cydia

របៀបតម្លើង៖

• ជាដំបូងសូមចូលទៅកាន់ Cydia រួចធ្វើការបន្ថែម Source ខាងលើ ដោយនៅក្នុង Cydia ចុចលើ Sources > Edit > Add > វាយបញ្ចូល “apt.taig.com” (ហាមលុប http:// ហើយត្រូវ វាយបន្ត) > ចុច Add Source រួចរង់ចាំដល់ វាដំណើរ ការចប់។
• បន្ទាប់ពី Add Source ខាងលើ រួចរាល់ហើយ នៅក្នុង Cydia ដដែលសូម ចូលទៅកាន់ កន្លែង Search រួចធ្វើការ ស្វែងរក ដោយវាយពាក្យ “TaiG AFC2” រួចចុចលើវា > យក Install > Confirm រួចរង់ចាំ ដល់វាដំណើរ ការចប់ រួចចុច Reboot ជាការស្រេច។

***(បំរាម៖ ត្រូវប្រាកដថា Cydia របស់អ្នក ស្ថិតនៅជំនាន់ 2.1.3 ដែលជាជំនាន់ ចុងក្រោយ ដើម្បីចៀសវាង នូវបញ្ហាណាមួយ កើតឡើង ជាយថាហេតុ)
ជាចុងក្រោយ សូមបញ្ជាក់ ផងដែរថា ចំពោះការ បើកសិទ្ធិ ដើម្បីមើល ឬកែរប្រែ File System ម្តងនេះ គឺមានលក្ខណៈ ខុសពីជំនាន់ ចាស់ៗមុនៗ ដោយវា បង្ហាញជា Folder ប្លែកៗ មិនដូច មុនឡើយ។