ក្រុមជនខិលខូច ឬ hacker មួយចំនួនបានប្រើអន្ទាក់ក្រោមរូបភាពផ្សេងៗគ្នា ធ្វើយ៉ាងណាដើម្បីអាចកាន់កាប់ប្រព័ន្ធកុំព្យូទ័រ ក៏ដូចជាគណនីសំខាន់ៗរបស់អ្នកបាន។ អ្នកក៏អាចឆ្លងប្រភេទមេរោគ Malware ចូលកុំព្យូទ័រផងដែរ ដោយសារចុចលើវីដេអូដែលគេបង្ហោះ (post) នៅលើ Facebook ដែលជាប្រភេទវីដេអូតក់ស្លុតគួរឲ្យខ្លាចផ្សេងៗ ឬចូលទៅកាន់គេហទំព័រដែលមេរោគបញ្ឆោត ឬទាញយក (download) កម្មវិធី add-on របស់ browser ជាដើម។
ចំណែកពេលនេះ HACK4SYSTEM សូមលើកយកប្រភេទមេរោគ Spam នេះយកមកសិក្សាជាមួយប្រិយមិត្តទាំងអស់គ្នា។ Spam ជាប្រភេទមេរោគច្រើនតែចម្លងខ្លួនតាមអ៊ីមែល ដោយការផ្ញើសារបញ្ឆោតដល់អ្នកប្រើ ឱ្យចុចលើតំណភ្ជាប់ ដើម្បីនាំលោកអ្នកទៅកាន់វែបសាយបោកប្រាស់។
ចំណែក Spam នៅលើ Facebook គឺពាក់ព័ន្ធនឹងការភ្ជាប់ទៅកាន់អ្នកប្រើ ដោយការផ្ញើមាតិកា (content) ឬស្នើ (request) អ្វីមួយ។ មេរោគ Spam នឹងផ្ញើប្រភេទសារ bulk message ឬជាការបង្ហោះតំណភ្ជាប់ (link) ឬរូបភាព (image) ទៅលើ Timeline របស់អ្នកប្រើ និងផ្ញើ friend request ទៅមនុស្សមិនដែលស្គាល់ជាដើម។ ពេលខ្លះ Spam នាំអ្នកឱ្យចុចលើតំណភ្ជាប់មិនល្អ (bad link) ផ្សេងៗ ឬដំឡើងប្រភេទកម្មវិធីផ្ទុកមេរោគ (malicious software)។
+របៀបការពារមិនឱ្យឆ្លងមេរោគ Facebook ដែលអ្នកគួរយល់ដឹង៖
ប្រសិន ឃើញ Friend ផ្ញើតំណភ្ជាប់ (link) ចម្លែក ចូលទៅប្រអប់សាររបស់អ្នក សូមកុំចុចឱ្យសោះ ឬយ៉ាងហោចត្រូវសួរទៅ friend នោះជាមុនសិន។ ផ្ទុយទៅវិញ ប្រសិនវាពិតជាមេរោគមែន នៅពេលអ្នកបានចុចលើតំណភ្ជាប់នោះ វានឹងធ្វើឱ្យគណនីរបស់អ្នកជាប់ពាក្យបញ្ជា (command) ធ្វើការផ្ញើតំណភ្ជាប់ដដែលនេះទៅកាន់ប្រអប់ inbox របស់ Friend ឬធ្វើការ tag មាតិកាទៅកាន់ friend តៗគ្នា ឬអាចធ្វើឲ្យប៉ះពាល់ដល់ប្រព័ន្ធកុំព្យូទ័ររបស់អ្នក ឈានដល់ការលួចយកព័ត៌មានសម្ងាត់ផ្ទាល់ខ្លួនរបស់អ្នកដោយ Hacker ក៏ថាបាន។
+របៀបលុបមេរោគ ប្រសិនវាបានឆ្លងលើ Facebook របស់អ្នក៖
ប្រសិនគណនីត្រូវបានវាយប្រហារដោយមេរោគហើយនោះ សូមអនុវត្តតាមជំហានខាងក្រោម៖
១) ជំហានដំបូងបំផុតគឺត្រូវផ្លាស់ប្ដូរលេខសម្ងាត់គណនីជាបន្ទាន់។ ដើម្បីប្ដូរ password សូមចូលទៅ Settings លើគណនីដែលបានឆ្លង រួចចុចចូលនៅត្រង់ Password ហើយបំពេញលើប្រអប់ចំនួន ៣ មានដូចជា៖
– Current៖ ត្រូវបំពេញលេខសម្ងាត់ដែលអ្នកកំពុងប្រើ
– New៖ បំពេញលេងសម្ងាត់ថ្មីដែលចង់ប្រើ
– Re-type new៖ បំពេញលេងសម្ងាត់ថ្មីម្ដងទៀត រួចហើយចុចលើប៊ូតុង Save Changes។
ទោះជាយ៉ាងណា ប្រសិននៅពុំទាន់អាចលុបបាន អ្នកអាចបង្ហោះសារ (status) ដើម្បីជូនដំណឹងដល់ Friend ទាំងអស់របស់អ្នកបានដឹង កុំឱ្យចុចលើតំណភ្ជាប់ដែលខ្លួនផ្ញើទៅឱ្យ Friend។
ប្រសិនការប្ដូរ Password នៅតែមិនអាចជួយបាន នោះអាចបណ្ដាលមកពីមេរោគបានឆ្លងចូលប្រព័ន្ធប្រតិបត្តិការ កុំព្យូទ័ររបស់អ្នក ដែលវាមានសមត្ថភាពបង្កបញ្ហាបែបនេះបាន ទោះបីអ្នកផ្លាស់ប្ដូរលេខសម្ងាត់គណនី Facebook ហើយក៏ដោយ។ ដូច្នេះសូមបន្តអនុវត្តតាមជំហានដូចខាងក្រោម៖
២) ឆែកមើល apps នៅលើ Facebook ដែលគណនីរបស់អ្នកបានភ្ជាប់ជាមួយ៖
– ចុចលើប៊ូតុង Privacy Shortcuts នៅលើគណនីដែលឆ្លង រួចចុចលើ See More Settings (ដូចរូបខាងក្រោម)
– បន្ទាប់មកចុចលើ Apps (ដូចរូបខាងក្រោម)
– ចុចលើ Show All Apps ដើម្បីឱ្យបង្ហាញបញ្ជីឈ្មោះ App ទាំងអស់។ នៅត្រង់នេះ សូមស្វែងរក app ដែលអ្នកមិនស្គាល់ ឬសង្ស័យជាមេរោគ ដើម្បីលុបចោលដោយចុចលើសញ្ញាខ្វែង (x) ជាការស្រេច។
៣) ប្រសិនជំហានខាងលើមិនជោគជ័យ សូម Logout ចេញពីគណនី Facebook របស់អ្នក រួចហើយធ្វើការលុបចោលទិន្នន័យនៅលើកម្មវិធី Browser ដែល Firefox ត្រូវបានហៅថា Clear All History ចំណែក Google Chrome ត្រូវបានហៅថា Clear browsing data។
ទិន្នន័យដែលត្រូវលុបគឺជា cookies, catch, session និង history របស់ Browser។ ការសម្អាតទិន្នន័យនេះ គឺអាចលុបចោលមេរោគដោយតោងជាប់ជាមួយកម្មវិធី Browser របស់អ្នកបានមួយផ្នែក។
+ វិធីលុប browsing data លើ Firefox៖
– ចុច Ctrl+Shift+Del រួចរើសយក Everything នៅត្រង់ Time range to clear និងចុចរើសយក (ធីក) លើគ្រប់ប្រអប់ ទាំង Browsing & Download History, Form & Search History, Cookies, Cache, Active Logins, Offline Website Data និង Site Preference។ រួចហើយចុចលើប៊ូតុង Clear Now។
+ វិធីលុប browsing data នៅលើ Google Chrome៖
– ចុចលើ Ctrl+Shift+Del ហើយនៅត្រង់ Obliterate the following items from សូមជ្រើសរើស the beginning of time រួចរើសយក (ធីក) ទាំងអស់លើ Browsing history, Download history, Cookies and other site and plug-in data, Cached images and files, Passwords, Autofill from data, Hosted app data និង Content licenses។ រួចហើយចុចលើប៊ូតុង Clear browsing data។
៤) កម្មវិធីកម្ចាត់មេរោគឬ ប្រភេទកម្មវិធីថែទាំសុវត្ថិភាព និងដំណើរការរបស់ប្រព័ន្ធប្រតិបត្តិការ៖យើង សូមណែនាំឱ្យប្រើកម្មវិធីដូចជា Norton Security Scan កម្មវិធី Kaspersky ប្រើផ្គួបគ្នាជាមួយប្រភេទកម្មវិធីសម្អាតឯកសារមិនបានការ Ccleaner៕
0 ความคิดเห็น:
แสดงความคิดเห็น