របៀបផ្តាច់ iCloud និង Apple ID ដោយខ្លួនឯង ដោយមិនត្រូវការ Password លើ iPhone

រូបភាព៖ Google Photo

អ្នកប្រើប្រាស់ iPhone ភាគច្រើនលើសលប់ពិតជាឈឺក្បាលបំផុតលើមុខងារ iCloud និង Apple ID ជាពិសេសសម្រាប់អ្នកប្រើប្រាស់ដែលមិនសូវយល់ច្បាស់ពីបច្ចេកវិទ្យាមួយនេះ។ មុនពេលទស្សនាវីដេអូបទបង្ហាញខាងក្រោម សូមលោកអ្នកអានពីគុណវិបត្តិនៃការយល់មិនច្បាស់លើបច្ចេកវិទ្យា iCoud ឬ Apple ID ជាមុនសិន។

អ្វីជា iCloud និង Apple ID?

iCloud គឺជាគណនីរក្សាទុកទិន្នន័យលើបណ្តាញរបស់ក្រុមហ៊ុន Apple រឺគេហៅថា iCloud Drive។ ទំហំផ្ទុកជាទូទៅឥតគិតថ្លៃគឺ 5GB ហើយវាត្រូវការ Apple ID ដើម្បីអាចទំនាក់ទំនង និងចូលទៅប្រើប្រាស់បាន ប៉ុន្តែលោកអ្នកក៏អាចបង្កើត iCloud Account បានដែរ (ឧទាហរណ៌៖ myname@icloud.com) ។ ចំនែក Apple ID គឺជាគណនីបុគ្គលរបស់អ្នកប្រើប្រាស់ផលិតផល iPhone, iPad, iPod Touch, និង MacBook ទាំងអស់។ យើងអាចហៅ Apple ID ថាជាអាស័យដ្ឋានអ៊ីម៉ែលរបស់ Apple ព្រោះវាមានរូបរាង myname@email.com។

ប្រើប្រាស់ iCloud មានគុណសម្បត្តិដូចខាងក្រោម..៖

ទទួលបានទំហំផ្ទុកលើបណ្តាញឥតគិតថ្លៃ 5GB
អាចរក្សាការសំងាត់ លេខទំនាក់ទំនង និងឯកសារអ៊ីម៉ែលផ្សេងៗ
អាចស្វែងរក ឧបករណ៌របស់ Apple បើសិនវាបានបាត់
អាចបិទសិទ្ធឹឧបករណ៌មិនអោយដំណើរការ បើសិនជាវាបាត់ រឺអាចលុបឯកសារទាំងអស់ ដើម្បីការពារសុវត្ថិភាព។
អាចទាញយក រឺទិញ Apps នៅលើ App Store បានងាយស្រួល
អាចផ្ទេរទិន្នន័យពីឧបករណ៌មួយទៅកាន់ឧបករណ៌មួយទៀត

គុណវិបត្តិនៃការមិនយល់ច្បាស់ពីការប្រើប្រាស់ និងបច្ចេកវិទ្យា iCloud និង Apple ID..៖

លោកអ្នកដែលចំណាយប្រាក់អស់ច្រើនទិញឧបករណ៌ iPhone តែមិនយល់ច្បាស់ពីអ្វីហៅថា iCloud និង Apple ID និងរបៀបនៃការគ្រប់គ្រងវាច្បាស់ នឹងធ្វើងោយគ្រោះថ្នាក់បំផុត។ ជាឧទាហរណ៌ការបែកធ្លាយរូបភាពឯកជន រឺបាត់ឯកសារសំងាត់ មានលេខគណនីធនាគារជាដើម..។ ហេតុផលដែលធ្វើអោយគ្រោះថ្នាក់នោះគឺមកពី..៖

មិនដឹងថារបៀបបង្កើត iCloud និង Apple ID ដូចម្តេច ក៏ទៅរកអ្នកលក់ទូរស័ព្ទ រឺអ្នកណាម្នាក់អោយជួយបង្កើត ដោយដាក់គណនីរបស់បុគ្គលនោះ។
គំនិតគួរពិចារណា.. បើសិនជាបុគ្គល (អ្នកធ្វើ) នោះមិនស្មោះត្រង់ បានប្រើប្រាស់គណនីផ្ទាល់ខ្លួនមួយ យកមកដាក់នៅលើឧបករណ៌របស់យើង រួចគេនឹងរងចាំទទួលយកពត៌មានមានរូបភាព វីដេអូ រឺឯកសារផ្សេងៗជាដើម ដែលយើងបានដាក់បញ្ចូលទៅក្នុង iPhone
មិនយល់អ្វីហៅថាបច្ចេកវិទ្យា Synchronize រឺអ្នកតំឡើង Apple ID បានលួចកំណត់អោយវាធ្វើការដោយស្វ័យប្រវត្តិ ដូច្នេះបើសិនជាលោកអ្នកស្រាប់តែថតរូបខ្លួនឯង លេង និងបន្ទាប់មកក៏លុបចោលវិញ លោកអ្នកច្បាស់ក្នុងចិត្តថា វាបានលុប ប៉ុន្តែមិនដូច្នេះទេ វាបានបញ្ជូនចូលទៅកាន់ iCloud Drive បាត់ទៅហើយ ហើយនៅទីនោះគឺម្ចាស់គណនី ដែលមិនមែនជាអ្នកបានគ្រប់គ្រងវាទាំងអស់។

ប្រការគួរយល់ដឹង..៖

បើទិញឧបករណ៌ថ្មី គួរតែបង្កើតគណនី iCloud និង Apple ID ដោយខ្លួនឯង។ បើមិនចេះទេ សូមស្វែងរកការបង្រៀនពីអ្នកណាម្នាក់ដែលមានបទពិសោធន៌តែកុំអោយគេធ្វើអោយ។ អ្វីដែលត្រូវរៀននោះគឺ អ្វីជាអ៊ីម៉ែល.. រឺអ្វីជា iCloud Drive? និងតើត្រូវអនុវត្តន៌ការតំឡើងដោយវិធីណា? បន្ថែមពីនេះ ត្រូវរៀនពីរបៀបនៃការបិទបើកការបញ្ចូន (Synchronize) អោយបានច្បាស់មុននឹងប្រើប្រាស់។
បើទិញឧបករណ៌មួយទឹក លោកអ្នកគួរតែលុប Apple ID ចាស់របស់គេចោល ជាពិសេសគឺ លុប iCloud Drive របស់អ្នកប្រើមុនចោល។ បើមិនចេះលុបទេ លោកអ្នកអាចស្វែងរកអ្នកទុកចិត្តដែលមានបទពិសោធន៌អោយលុប។
រឺ ទស្សនាវីដេអូខាងក្រោម បើសិនជាចង់លុប iCloud Drive និង Apple ID ដោយគ្មានពាក្យសំងាត់ដើម....